New Voter Registration Year 2023 in Graduate and Teacher Legislative Council Constituency
पदवीधर व शिक्षक विधानपरिषद मतदारसंघामध्ये सन २०२३ नविन मतदार नोंदणी
राज्यातील नाशिक व अमरावती विभाग पदवीधर तसेच औरंगाबाद, नागपूर व कोकण विभाग शिक्षक विधानपरिषद मतदारसंघामध्ये सन २०२३ मध्ये होणाऱ्या द्विवार्षिक निवडणूकीसाठी त्या विभागातील अनुक्रमे पदवीधर व शिक्षक यांची दि.१-११-२०२२ या अर्हता दिनांकावर पुर्णत: नविन मतदार यादी (de-novo elector'sroll) तयार करण्याची मोहीम दि.०१.१०.२०२२ पासून सूरु होत आहे.
{tocify} $title={Table of Contents}
या मोहिमेंतर्गत दि. १-१०-२०२२ ते दि. ७-११-२०२२ या कालावधीत पदवीधर मतदार नोंदणीसाठी नमुना १८ (Form १८) व शिक्षक मतदार नोंदणीसाठी नमुना १९ (Form १९) स्विकारण्यात येतील. दि. २३-११-२०२२ रोजी प्रारुप मतदार याद्या प्रसिद्ध करण्यात येतील व दि. २३-११-२०२२ ते दि. ९-१२-२०२२ या कालावधीत दावे व हरकती स्विकारल्यानंतर, दि.३०-१२२०२२ रोजी अंतिम मतदार याद्या प्रसिद्ध करण्यात येतील.
उपरोक्त द्विवार्षिक निवडणुकांमध्ये मतदान करण्यासाठी, नाशिक व अमरावती विभागातील पात्र पदविधर व्यक्तींनी तसेच औरंगाबाद, नागपूर व कोकण विभागातील पात्र शिक्षकांनी त्या संबंधित विभागामध्ये पदवीधर/ शिक्षक मतदार म्हणून मोठ्या प्रमाणात नाव नोंदणी करावी, यासाठी नाशिक, अमरावती, औरंगाबाद, नागपूर व कोकण विभागातील विद्यापीठे व त्याअंतर्गत येणाऱ्या महाविद्यालयांनी खालीलप्रमाणे मोहिम राबविण्याबाबतची विनंती अपर मुख्य सचिव तथा मुख्य निवडणूक अधिकारी, महाराष्ट्र राज्य यांच्याकडून करण्यात आली आहे.
या निवडणूकांसाठी संबधित विभागीय आयुक्त हे मतदार नोंदणी अधिकारी (Electoral Registration Officer) तसेच त्या विभागातील जिल्हाधिकारी हे सहायक मतदार नोंदणी अधिकारी (Assistant Electoral Registration Officer) असतात.
पदवीधर मतदार नोंदणीसाठी नमुना (नमुना १८ )
शिक्षक मतदार नोंदणी (नमुना १९)
पदवीधर मतदार संघ
नाशिक व अमरावती विभागामध्ये पदवीधर विधानपरिषद मतदारसंघासाठी मतदार यादी तयार करण्यात येत असल्याने, त्या विभागातील पात्र पदवीधर महाविद्यालयीन शिक्षकांनी
शासन परिपत्रक क्रमांकः संकीर्ण २०२२/प्र.क्र.१०९/वि. शि.५
(अर्हता दिनांक दि. १-११-२०२२ पुर्वी किमान ३ वर्षे आधी पदवी धारण केलेल्या) संबधित पदवीधर मतदार संघाच्या मतदार यादीमध्ये नाव नोंदविण्याचे आवाहन करण्यात यावे तसेच प्रोत्साहित करण्यात यावे.
नाशिक व अमरावती विभागातील महाविद्यालयातील पात्र पदवीधर शिक्षकांना संबधित पदवीधर विधान परिषद मतदार संघाच्या मतदार यादीमध्ये नांव नोंदणी करण्यासाठी नमुना १८ ( FORM १८) भरावा लागेल.{alertInfo}
सदर नमुना १८, संबधित विभागीय आयुक्त (या निवडणूकीचे मतदार नोंदणी अधिकारी), संबधित जिल्हाधिकारी (या निवडणूकीचे मतदार नोंदणी अधिकारी), विभागीय आयुक्तांकडून पदनिर्देशित केलेले उप विभागिय आयुक्त तसेच तहसिलदार यांच्या कार्यालयात उपलब्ध असतील तसेच सदर योग्यरित्या भरलेले अर्ज त्या कार्यालयात भरुन देता येतील.{alertInfo}
त्याच प्रमाणे, हा नमुना मुख्य निबडणूक अधिकारी, महाराष्ट्र राज्य यांच्या https://ceo.maharashtra.gov.in या संकेत स्थळावर Downloads/ DownloadForms/Form-१८.pdf येथे सुद्धा उपलब्ध आहे.
सदर नमुना संकेतस्थळावरुन उपलब्ध करुन घेऊन (प्रिन्ट काढून) भरुन देता येईल. (ऑन-लाईन पद्धतीने नमूना सदर करण्याची सुविधा उपलब्ध नाही) योग्य रितीने भरलेला नमुना १८ ( FORM १८) , त्यासोबत शैक्षणिक पात्रतेच्या आवश्यक पुराव्यासह वर नमूद सबधित कार्यालयात सादर करण्यात यावा.
सदर अर्ज प्रत्यक्ष कार्यालयात सादर केल्यास, संबधित पदनिर्देशित अधिका-याला मुळ पदवी प्रमाणपत्र/ गुणपत्रिका किंवा अन्य विहित कागदपत्र दाखवावे लागेल. टपालाद्वारे नमुना १८ पाठविल्यास, संबधित शैक्षणिक पात्रता दर्शविणारा पुरावा/कागदपत्रे पदनिर्देशित अधिकारी/सहायक पदनिर्देशित अधिकारी/संबधित जिल्ह्यातील राजपत्रित अधिकारी/ नोटरी पब्लिक यांच्याकडून प्रमाणित केलेली असणे आवश्यक आहे.
शिक्षक मतदार संघ
औरंगाबाद, नागपूर व कोकण विभागामध्ये शिक्षक विधानपरिषद मतदारसंघासाठी मतदार यादी तयार करण्यात येत असल्याने, त्या विभागातील, लोक प्रतिनिधित्व अधिनियम १९५० च्या अधिनियम २७ (३)(ब) खाली राज्य शासनाने निवडणूक आयोगाच्या मान्यतेने निश्चित केलेल्या, माध्यमिक शाळेपेक्षा कमी दर्जा नसलेल्या शैक्षणिक संस्थामध्ये दि. १-११-२०२२ या अर्हता दिनांकापुर्वीच्या लगतच्य सहा वर्षामध्ये किमान ३ वर्षे शिक्षक म्हणून कार्यरत असलेल्या शिक्षकांना संबधित शिक्षक मतदार संघाच्या मतदार यादीमध्ये नाव नोंदविण्याचे आवाहन करण्यात यावे तसेच प्रोत्साहित करण्यात यावे.
औरंगाबाद, नागपूर व कोकण विभागातील पात्र शिक्षकांना संबधित शिक्षक विधान परिषद मतदार संघाच्या मतदार यादीमध्ये नांव नोंदणी करण्यासाठी नमुना १९ ( FORM १९) व त्यासोबत विहित नमुन्यातील संबधित शैक्षणिक संस्थेच्या प्रमुखाने दिलेले प्रमाणपत्र भरावे लागेल.{alertInfo}
सदर नमुना १९ व विहित प्रमाणपत्राचा नमुना, संबधित विभागीय आयुक्त (या निवडणूकीचे मतदार नोंदणी अधिकारी), संबधित जिल्हाधिकारी (या निवडणूकीचे मतदार नोंदणी अधिकारी), विभागीय आयुक्तांकडून पदनिर्देशित केलेले उप विभागिय आयुक्त तसेच तहसिलदार यांच्या कार्यालयात उपलब्ध असतील तसेच सदर योग्यरित्या भरलेले अर्ज त्या कार्यालयात भरुन देता येतील.
त्याच प्रमाणे, नमुना १९ व विहित प्रमाणपत्राचा नमुना, मुख्य निबडणूक अधिकारी, महाराष्ट्र राज्य यांच्या https://ceo.maharashtra.gov.in या संकेत स्थळावर अनुक्रमे, Downloads/DownloadForms/Form-१९.pdfवDownloads/ DownloadForms/Certificate-Form-१९.pdf येथे सुद्धा उपलब्ध आहेत. सदर नमुने संकेतस्थळावरुन उपलब्ध करुन घेऊन (प्रिन्ट काढून) भरुन देता येतील. (ऑन-लाईन पद्धतीने नमूना सदर करण्याची सुविधा उपलब्ध नाही) योग्य रितीने भरलेला नमुना १९ ( FORM १९) , त्यासोबतच्या वर नमूद केलेल्या विहित प्रमाणपत्रासह उपरोक्त संबधित कार्यालयात सादर करण्यात यावा.
परिपत्रक
०१/०१/२०२३ या अहर्ता दिनांकावर आधारित छायाचित्रासह मतदार यादीचा विशेष संक्षिप्त पुनरीक्षण कार्यक्रम